5 gjëra që punëdhënësit i vërejnë në 10 sekondat e para të CV-së suaj

Të gjithë e kemi dëgjuar shprehjen "Përshtypja e parë ka rëndësi" dhe kjo është shumë e vërtetë edhe në tregun e punës. Punëdhënësit shpesh marrin dhjetëra por edhe qindra aplikime për një pozitë të vetme pune.

Me kohë të kufizuar dhe me obligime që kërkojnë vëmendje të vazhdueshme, ata i hedhin një sy të shpejtë CV-ve. Disa madje thonë se vendosin nëse një kandidat ia vlen të shqyrtohet më tej brenda vetëm 10 sekondave.

Po si mund ta bëni CV-në tuaj të dallohet në ato sekonda vendimtare?

Këtu kemi përmendur 5 gjërat kryesore që punëdhënësit, menaxherët e rekrutimit e të burimeve njerëzore i vërejnë pothuajse menjëherë dhe si mund t’i aplikoni që të rritni gjasat tuaja për një intervistë pune.

1.      Struktura dhe formatimi i përgjithshëm

Përshtypja e parë është vizuale. Para se të lexojnë qoftë edhe një fjalë, rekrutuesit vlerësojnë pamjen e CV-së. A është e pastër, e organizuar mirë dhe e lehtë për t’u lexuar? Apo duket e ngatërruar apo e mbingarkuar?

Formatimi i dobët është një nga elementet që më së shumti ndikon që CV-juaj të humbë besueshmërinë. Një CV e çrregullt sugjeron pakujdesi, mungesë organizimi dhe mungesë profesionalizmi.

Këshilla për t’u përmirësuar:

• Përdorni një strukturë të thjeshtë dhe moderne me tituj të qartë seksionesh.

• Qëndroni me një font profesional (si Calibri, Arial ose Helvetica).

• Sigurohuni për hapësira dhe rreshtim të njëtrajtshëm.

• Ruajeni si PDF për të shmangur ndryshimet në formatim.

Këshillë profesionale: Duhet të lini edhe hapësira te bardha. Ato ndihmojnë syrin të lexoj më lehtë dokumentin.

2. Emri dhe të dhënat e kontaktit

Mund të duket e vetëkuptueshme, por një nga pikat e para ku shikon një rekrutues është pjesa e sipërme e CV-së.

Çfarë kërkojnë ata:

• Emër i plotë (jo pseudonime apo nofka)

• Numër telefoni dhe email (ideal në Gmail apo domen profesional)

• Vendbanimi (qyteti dhe shteti mjaftojnë)

• Profili në LinkedIn (e preferueshme, jo e domosdoshme)
  

3. Titujt e pozitave dhe emrat e kompanive

Rekrutuesit nuk lexojnë çdo pikë të CV-së. Ata skanojnë titujt dhe kompanitë ku keni punuar për të parë nëse përvoja juaj përputhet me pozitën.

Në ato 10 sekonda të para, ata pyesin:

• A kanë punuar në role të ngjashme me pozitën që po aplikojnë?

• A po tregon karriera e tyre përparim?

• A kanë punuar në kompani të njohura?

• A e kanë ndërruar shpesh vendin e punës?
  

Si ta përmirësoni këtë pjesë:

• Përdorni tekst të thekësuar (bold) për titujt dhe emrat e kompanive.

• Renditni pozitat e punës nga më e fundit deri tek ato më të hershme

• Mbani datat të rreshtuara dhe të lehta për t’u lexuar.

  
  

4. Sinjalet e kuqe (gabime drejtshkrimore, gjuhë jo profesionale, boshllëqe)

Disa gabime të tjera që nuk ndikojnë në vlerësimin pozitiv të CV-së suaj janë:

• Gabime drejtshkrimore ose gramatikore

• Email adresa jo profesionale

• Pauzë të madhe në punësim

• Detaje personale të parëndësishme

• Mospërputhje midis LinkedIn dhe CV-së

  
  

Si t’i shmangni:

• Rilexoni me kujdes.

• Lëreni dikë tjetër ta lexojë për gabime.

• Mbajeni LinkedIn të përditësuar dhe të njëjtë me CV-në.

  
  

5. Elementet vizuale që shpërqendrojnë (ose përmirësojnë)

Punëdhënësit vërejnë edhe zgjedhjet tuaja vizuale: ikona, ngjyra, grafikë, madje edhe fotografi.Ajo që funksionon për industri kreative (si dizajni grafik apo marketingu) mund të mos funksionojë për fusha si juridiku apo financat.

Kujdes:

• Përdorni ngjyra me kujdes dhe në mënyrë të njëtrajtshme (jo ngjyra të shumëllojshme).

• Vendosni foto vetëm nëse është e zakonshme në industrinë apo rajonin tuaj

  
  

Mendimi i fundit: A e kalon CV-ja juaj testin e 10 sekondave?

CV-ja juaj është shtrëngimi i parë i dorës me një punëdhënës potencial. Nëse ata nuk gjejnë atë që kërkojnë në 10 sekondat e para, ndoshta nuk do lexojnë më tutje.

Përmbledhje e shpejtë:

• Mbani formatimin të pastër dhe të lexueshëm.

• Vendosni informacionin kryesor (emër, titull, kontakt) në krye.

• Tregoni përparim profesional përmes titujve të qartë.

• Hiqni sinjalet e kuqe si gabimet ose boshllëqet e pashpjeguara.

• Përdorni dizajn që e përmirëson përmbajtjen—jo që e fsheh.

• 
  

Në një botë me vëmendje gjithnjë e më të shkurtër, CV-ja nuk është thjesht dokument është performancë. Dhe për të fituar rolin, duhet të siguroheni që ato 10 sekonda të jenë në favorin tuaj.